- 718 -

1447. Okt. 6.

Vnsern frundlichen grus zuuor. Erbern weizen lieben frunde. Noch ewer beger haben wir nehste geschreben dem hochgeboren fursten herczoge Conrad dem Weissen in den sachen czwischen ewer frawen der herczogynn vnd Menlin von Manow gewendet, dorvff ist vns wider antwort geschreben wurden, als ir denne in den abeschrifften hirynne vorslossen wol vorstehen vnd erkennen werdt, solche schreibunge ir an die obgenante ewer frawe, dy furstynne brengen moget, sich dornoch wissen zurichten. Geben des freitagis vor Hedwigis anno etc. XLVII° vnd als deser brieff geschreben was vnd zu der sigelunge bereytet, wart vns ewer brieff abir von desen sachen geschreben geantwortet, den wir ouch gehort vnd vomomen haben.
Ratmanne zu Breslow.

Mit Rückaufschrift an den liegnitzer Rath.

Orig. Kgl Bibl z. Berl Ms. Boruss. f. 568. No. 24.

Urkunden-Buch der Stadt Liegnitz und ihres Weichbildes bis zum Jahre 1455 - Herausgegeben dr Friedrich Wilhelm Schirrmacher - Liegnitz 1866